Gostingen läit an der Muselregioun am Südoste vu Lëtzebuerg. Op dëser Ronn geet et laanscht Wéngerten, iwwer d’Felder an duerch de Bësch. Fir dës Ronn (13,4 km) brauch een ongeféier 3½ Stonnen. Ënnerwee kommen ongeféier 220 Héichtemeter zesummen, an ongeféier d’Hallschent vum Wee ass net asphaltéiert.
Iwwer kleng Weeër entdeckt een op dëser Ronn d’Géigend ronderëm d’Uertschaft. Wéi all Auto-Pédestre ass d’Ronn permanent mam bloe Symbol markéiert. Dir kënnt op all Punkt ufänken.
