Ronderëm Rumelange am Minett ass et gréng: Do, wou fréier Minett ofgebaut gouf, wuessen haut Beem a vill verschidde Planzen. De Wee ass 8,9 km laang. Jee nom Tempo dauert d’Wanderung ongeféier 2½ Stonnen. Ënnerwee kommen ongeféier 130 Héichtemeter zesummen, an ongeféier d’Hallschent vum Wee ass net asphaltéiert.
Um Wee, ënner anerem: Polverhaischen an Musée national des Mines. D’Ronn ass iwwerall mam bloen Auto-Pédestre-Symbol markéiert. Et gëtt kee feste Startpunkt.
